אגרות הקודש חלק ב תשה-תשח רמט
מפתחות אגרות הקודש - - אגרות הקודש, די אגרות אויף יידיש: - - קעג - - קעד - - קפט - - קצח - - רב - - ריא - - רטז - - רלז - - רמה - - רמח - - רמט - - רנ - - רנא - - רנח - - רסג - - רעא - - רפ - - רפא - - רצט - - שה - - שכב - - שלב - - שמד - - שנו - - שעח - - שעט - - שפב - - שצא - - שצד - - תב
ב"י כ"ז אלול, תש"ו
כבוד הוו"ח אי"א משכיל על דבר טוב וכף
מו"ה אלחנן שי' הכהן
שלום וברכה!
אויפן שוועל פון נייען יאר, ווינטש איך אייך אין נאמען פון "מרכז לעניני חנוך" און אין מיין אייגענעם נאמען א כתיבה וחתימה טובה בגשמיות וברוחניות.
ביי דער געלעגנהייט - א ווארט מענינא דיומא.
פון יעדן ענין קען מען אפלערנען כמה וכמה זאכן, ובפרט פון ענינים וועלכע זיינען פארבונדן מיט תורה.
דעם טאג פון בריאת העולם האט די תורה ניט אויסגעטיילט פון די טעג פון א גאנץ יאר; דאגעגן האט זי אבער קובע געווען ראש השנה אין דעם יום הששי למעשה בראשית, דעם טאג פון בריאת האדם! דער אינהאלט דערפון, אין קורצן, איז: די באשאפונג פון דעם עולם הזה הגשמי איז ניט קיין שמחה און ניט קיין יום-טוב. ווארום אדרבה, דאס איז נאך א ירידה אין סדר ההשתלשלות, דער אור אלקי טוט זיך אן אין נאך א לבוש און א לבוש המעלים ומסתיר, עס איז א חשך כפול ומכופל, ביז עס גיט אן ארט ניט נאר פאר א דעה כוזבת פון שתי רשויות, נאר אויך אפילו פון אני ואפסי עוד.
דערפאר אבער אז עס קומט דער טאג פון בריאת האדם, וואס אים האט מען געגעבן דעם כח אויף ליכטיק מאכן די וועלט דורך זיין ארבעט ע"פ הוראת התורה, און נאכמער, דורך זיין ארבעט אין דער וועלט אויפהויבן אלע וועלטן איו דער גאנצער בריאה, אט דעמאלסט איז מען קובע א יום זכרון למעשה בראשית; דער מענטש נעמט אויף זיך מלכותו ית' אויף ממליך זיין אים בכל הבריאה, ווי אדם הראשון האט געטאן ביום בריאתו (פרקי דרבי אליעזר פ' יא; זח"א רכא), און הקב"ה גיט דעם מענטשן א שנה טובה ומתוקה בגשמיות וברוחניות.
נאכאמאל ווינטשנדיק אייך און אלע אייערע א כתיבה וחתימה טובה,
בברכת לאלתר לתשובה לאלתר לגאולה
הרב מנחם שניאורסאהן
יו"ר ועד הפועל
פ, ס. בייליגענד א קאפיע פון מיין בריוו צו אונזער פריינד ה' סטולמאן שי'.