להתודע ולהגלות
לְהִתְוַדַּע וּלְהִגָּלוֹת: אַז אִיטְלֶעכְס וָוארְט וָואס דָא שְׁטֵייט אִין דֶעם הֵיילִיקְן סֵפֶר אִיז קוֹדֶשׁ קָדָשִׁים. לוֹיטֶער[1] סוֹדוֹת הַתּוֹרָה.
מֶען זָאל נִישְׁט מֵיינֶען אַז דָאס זֶענֶען חַס וְשָׁלוֹם פְּרָאסְטֶע מַעֲשִׂיוֹת, וָוארְן[2] דִיא מַעֲשִׂיוֹת וָואס אִין דֶעם סֵפֶר שְׁטֵייעֶן הָאט דֶערְצֵיילְט דֶער גְרוֹיסֶער צַדִיק דֶער קְדוֹשׁ עֶלְיוֹן דֶער הֵיילִיקֶער רַבִּי ר' נַחְמָן זֵכֶר צַדִּיק לִבְרָכָה, זַיין זְכוּת זָאל אוּנְז בַּיישְׁטֵיין.
זַיין כַּוָונָה אִיז גֶעוֶוען אוּנְז צוּ לֶערְנֶען וִוי אַזוֹי דֶעם אֵייבֶּערְשְׁטְן צוּ דִינֶען. אוּן הַלְוַאי מִיר זָאלְן פַארְשְׁטֵיין דִי גְרוֹיסֶע סוֹדוֹת אוּן דֶעם מוּסָר וָואס עֶס שְׁטֶעקְט[3] אִין דִיא מַעֲשִׂיוֹת. וֶועלְן מִיר זַיין פְרוּמֶע יִידֶן אַזוֹי וִוי מֶען דַארְף צוּ זַיין. אוּן הַשֵּׁם יִתְבָּרַךְ וֶועט אוּנְז שִׁיקְן דֶעם גוֹאֵל צֶדֶק בַּאלְד אִין אוּנְזֶערֶע צַייטְן בִּמְהֵרָה בְיָמֵינוּ אָמֵן.