א ליד לכבוד פורים

פֿון װיקיביבליאָטעק
שפּרינג צו: נאַוויגאַציע, זוך

פון מ. ריווערסמאַן.


א ליד לכבוד פורים

היינט איז פורים ברידער,
עס איז דער יום טוב גרויס.
לאמיר זינגען לידער,
און גיין פון הויז צו הויז.

לאך מרדכילע לאך,
א יום טוב מאך,
קינדסקינדער געדענקען דעם נס.

זינגט, קינדערלעך, זינגט,
טאנצט פריילעך און שפרינגט,
דעם טייערן טאג נישט פארגעס.

היינט איז פורים, ברידער,
עס איז דער יום טוב גרויס.
לאמיר זינגען לידער,
און גיין פון הויז צו הויז.


א שפריכווארט

היינט איז פורים, מארגן איז אויס,
גיט אונז א גראשן און ווארפט אונז ארויס!