רבי לוי יצחק און דער מעקלער
צוריק צו קורצע געשיכטעס פון ריזיקע מענטשן
מוצאי יום כיפור, האט הרה"ק רבי לוי יצחק בארדיטשעוובער זי"ע געבעטן דעם גבאי ער זאל גיין צו א גרויסן מעקלער, וואס האט געהאט צו טאן מיט פיל סוחרים, און זאל אים בעטן אז ער וועט אריבערקומען צו אים, ווי שנעל מעגליך.
נאך זיין קומען, זאגט אים דער רב: היינט איך האב דורכגעפירט א געשעפט צווישן השי"ת און די יידן. איך האב געמאכט א טויש געשעפט, איך האב געטוישט די חטאים עוונות ופשעים פון די יידן, און דערהאלטן פאר השי"ת מחילה סליחה וכפרה, איך מיין אז דאס איז א גוט געשעפט.
פירט אויס רבי לוי יצחק מיט א פראגע צום מעקלער: איז ווי טראכט איר, קומט מיר דערפאר מעקלעריי?[1]
ענפערט ער פארן רב: געוויס, קומט דעם רב מעקלעריי, און נישט קיין קליין געלט, נאר אן ערנסטער ציפער.
אויב אזוי, זאגט דער רב: פאר מיין מעקלעריי פארלאנג איך פון השי"ת, אז ער זאל געבן בני חיי ומזוני רויחי.
מיין פארלאנג איז בארעכטיגט, פרעג דער רב דעם מעקלער?
וואס פאר א פראגע ענפערט דעם מעקלער: זיכער אז דער פארלאנג איז בארעכטיגט.
הייבט אויף דער רבי ביידע הענט צום הימל, און זאגט: רבש"ע א גועטער און געטרייער טאטע, איך בעט דיך, איך גיב אוועק מיין מעקלעריי פארדינסט פאר כלל ישראל, זיי מסכים דרצו און שיק יעדערן בני חיי ומזוני.
מקורות[רעדאַקטירן]
דער איד צייטונג
הערות שוליים[רעדאַקטירן]
- ↑ מעקלעריי = מעקלער-געלט = דמי תיווך.